قصيدة الشاعر شالح بن نايف المقاطي

[لمير]

قصيدة /شالح بن نايف المقاطي العتيبي بالاخ/عبدالله مطير بن نومان الجنيدي الشمري
ياحاتم اسرع بالقلم والمساطير *** بيض الورق واحكر لنا الشاذليه
بنّ يشادي خضاب جمع الغنادير *** لستعرضن به يوم عيد الضحيه
وازعج لناالفنجال يابن المناعير *** خله يعالج علة داخلــــــــــــــيه
ثلاث شفات بحكـــــــمه وتقدير *** في سلم شمر متعبين المطيـــه
الشفه الاولى تصفي المعاكير *** تطرد هموم جابت السقم ليـــــه
والثانيه تنهض جميع المشاعير *** تجلي العماس وترفع المعنويه
والثالثه تندب بنات التفاكير *** أبيات شعر للجنيدي هديـــــــــــه
لوكان انا مني على الشعر تقصير*** لي مدة ماني بحسبة خويـــــــــه
واليوم جتنا لصداقه تباشيــــر *** جيته عطش وانكفت روحي رويه
من عقب ساق القاف في مدح ابومطير*** حرآشهر باطراف نجد العذيــــــه
الي كما صقر منات الصقاقير *** يحري العشاء لو بالديار الخليــه
نسل الفهود مكرمين المسايير *** شمر على دوس المخاطر جريــــه
هذاك ابو عابد زبون المخاسير *** لاضاق بالي دوم يطري عليـــــــه
دايم دلاله للمهمه مخاديــــــــــر *** وناره على طول الليالي سنيـــــــه
طبع له الترحيب ماعنه تغييــــر *** ويعطي على اقبال المسير تحــيه
ماداج مع عبس الوجيه المعاثير *** مخطين الارياء والنوايا رديــــــه
مابدل الدله وربع مسافيـــــــــــر *** بمعسل بجه بلحية خويـــــــــــــــه
اللي مع الشارع كلاب مساعير *** الله يجنبنا الفعول الدنيــــــــــــــــه
ذي خوة الخايب كما نافخ الكير *** اللبس محرق والروايح وبيـــــــه
وذي خوة الطيب عواقيبها الخير *** أمثال عبدالله زبون الونيــــــــــه
وصلوا عدد مامطر وماغرد الطير *** على شفيع الخلق سيد البريـــــه

[اخو سعدى]

صح لسانك يالعتيبي

وقصيده رائعه وجميله

ويستاهل المدح اخونا ابو مطير .

[أبو ب،ـدر]

صح لسانك يابو نايف ويستاهل ابو ايلان