من قصايد الشاعر الكبير / عبدالرزاق الهذيل

[د.كيف]

مهما يكون الشعور اللي علـي بـادي **** لا زلت انا الوارد اللي ماطـوى حبلـه
على القـراح الزلالـي طـال تـردادي**** اشرب واصدر ظما مدري وش اشرب له
يا من تغاربتي غيابـي وهـو عـادي ****بُعد الرجل عن دواعي ذله اهيـب لـه
ماامشي قبل لا اعرف الوجهه بلا قادي****ولا صلـي الا وانـا متقبـل القبـلـه
منزالي النايفه عـن حـدري الـوادي****ورجل(ن) يجي في مسيل السيل يا هبله
أبعدت مالي غـرض فـي ذل مقعـادي****ما دام يلعب لي الذعـذاع والعـب لـه
ماني لعرفي مع اهل العـرف متـرادي****لاشك كبدي من اللـي شفـت مندبلـه
يا لاقيـة خيـر هـاك العلـم للغـادي****اللي عجز يفرق الشيحه مـن الربلـه
أمانـتـك بلغـيـه لـكـل حـسـادي****لا غارت الكدش وكحيـلان باصطبلـه
أنا أول العشر مانـي للعشـر حـادي****مالك ومال افتـراض الجاهـل الأبلـه
يموت انا حاسدي مـا ياصـل ابعـادي****منّي نجوم السما لو يفهـم اقـرب لـه
ولابد ما الهايج المايـج يجـي هـادي****وكل(ن) يشوف المكان اللي يناسب لـه
إن مت مات النبـي وآبـاي واجـدادي****وما دام لي يوم ماني ميّـت(ن) قبلـه

[شَغَف]

يعطيك الف عااااااااااااااافية على القصيدة
الذووووووووووووووووووووووق

[عقيل الجمل]

الله يعطيك العافيه يا د كيف على النقل الرائع

للشاعر / عبدالرزاق الهذيل شاعر منطقة الجوف

[د.كيف]

الفيلسوف
عقيل الجمل
الف شكر لكم على مروركم
وياحبي لكم

[هواااي البر]

مشكوووووووور اخوي دكيف على القصيده الجميله

[ابو شامي]

دائما متالق ومتميز باختياراتك الرائعه لك شكري وتقديري .