باطراف لينه

[د.كيف]

حوايج العطار

الذود يا هذال يصخم حنينه
مابين قصر وبين شبك ودماله
العين يوم تشوف ريمه حزينه
يسرح بها قلبي ويضوي لحاله
وأم الحوير عندي اليوم شينه
رد الحوار وفك عنها الشماله
والفاطر العوجا عليها غبينه
ان رجعت للحوش جبن ونذاله
سقها برفق وخلها في سكينه
تمشي ويسقيها المطر من خياله
من حاجر تنطحك ريحه غرينه
شال العدف والريح تطرق زلاله
ان عاش راسي يالحيا تاصلينه
وتبدلين السر قفر بداله
يازين شوف العشب الأخضر يازينه
قبل شهر شعبان ينقز هلاله
حوايج العطار بأطراف "لينه"
شمال"اعيوج"و"الخشيبي"شماله
وألذ واطيب من عطور المدينه
ماساق فيها شاري العطر ماله
بالروض كني راكب في سفينه
ترقد"مخازرة السلق"في ظلاله

[بديع الزمآن]

يامل السيل يالينه
مشكور يالدكتوور على ابداعكـ ..

[ابو شامي]

ابو هذال من اكرم الرجال

حين كان مربع بشعيب الخشيبي

مرينا ابله وكان عنده راعي سوداني

استقبلنا بطاسة الحليب وقال ابو هذال موصي

اي واحد يجي حول الابل احلبو له .

وبارك الله فيك دكتورنا على الابيات الرائعه.

[ابوساير]

اشكــ ك ـــــر


على النقل الجميل . ومبدع

تحياتــــ دكتورنا ـــــــي

[كرستيانو]

دكتور لا هنت جزاك الله الف خير وتقبل مروري

[ناصر الجنيدي]

صح لسانك ولسان الشاعر خلف بن هذال شاعر الوطن
سلمت يمناك على النقل الحلو

[شموخ الطنايا]

صح السان شاعرها
وتسلم يمينك ع القصيده الرائعه
وعساك ع القوه

[د.كيف]

اسعدني مروركم وردكم العطر

[هايل المهوس]

مـشـــكـــور

[امل]

رووووووووووووعـــــه
مشكور اخوي
والله يعطيك العافيــــــه

[سنافي لينة]

صح السان الشاعر الكبير/خلف بن هذال


ولاهنت
يا د.كيف
اختيار رائع
الله يعطيك العافيه

[اتحادي لينه]

صح لسان الشاعر الكبير \خلف بن هذال
وشكرا وبارك الله فيك يا
د كيف
ومشكووووووووور