احذروا البعير انتبهوا

[بعيدالمدى]

http://www.up1up2.com/up3/uploads/1ee554795a.jpg (http://www.up1up2.com/up3/index.php?do=1502)

إليا لقيتوني على الخط ما أخطيت
المخطي اللي ما يحافظ عليه

ناس تهملني غدا احساسهم ميت
ذي مشكله ياليت تطرح قضيه


عبدالعزيز بن عبدالله البوادري
------------------------------------

إلزم طريقك وأحترم سكة الغير

دربك يمين ودرب غيرك شمالي

والا ترى نفحصك في رخصة السير

شكلك صغير وخالي الهم سالي


عبدالكريم النغيمشي

------------------------------------

هذا الخطا والله بعينه واعلمه

يا أهل الجمال السايبة لا ما يصير

أنت السبب لو جاه واحد وصدمه

لا يصير همك بس كم كيس الشعير


محمد عفار المطيري
------------------------------------


ياراعي الوضحى ومعها المجاهيم

منعتهن أرض قفر بالمداجي

من ما حصل يشكن من الجور والظيم

ما من سنع سقهن لسوق الحراجي


معزي بن صخري العنزي
------------------------------------


هذا الخطر ماشي بالدرب يختالي

متوثب للكوارث جهر وإعلاني

أنا أشهد انه حصل تقصير واهمالي

كلن على قد مطلوبه يالاخواني


سعود بن سعد الخافي
------------------------------------


البل همل مالها والي

ولا فيه راعي يقديها

تمشي مع الخط ما تبالي

وكل الخطر كامنا فيها


عقلا خزن العنزي
------------------------------------


الدرب ما هو دربكن ياثلاث

فيكن ومنكن حايطة كل الاخطار

ودك يجازا من تركهن للاحداث

رغم النصايح من خبيرين واخيار


سعود عائش الحربي
------------------------------------


ياويل من صار في سيده

حيث المسارات مشغوله

راعيه مفلتن قيده

حياة من مر مجهوله


عبدالكريم عبدالرحمن السلوم
------------------------------------

يالله تستر على الموتر وركابه

من سائبات الإبل فالطريق تسير

مهملة والخطر منها شرع بابه

شخص تعوق وشخص بعضمه التكسير


علي بن معاضة

------------------------------------

لا تعكس السير يالحاشي

خلك على أيمن السكه

واذا صدمتك وأنا ما شي

منك الخطا ما بها شكه


عبدالله محمد المطيري
------------------------------------


أضرب دروب الكار مع سكة القار

تقطع فياف الدو من غير تعقيد

في دربنا حطوا لنا شبك وستار

ولا عقوم عالية بس تنكيد


عبدالمحسن محمد المحيسن
------------------------------------


الله يستر من خطر هالبعارين

بأسبابها راحت أنفوس زكيه

ياهل المواتر ناظروا دربكم زين

وياهل الكياسة عالجوا هالقضيه


ناصر بن جمعان آل عوض
------------------------------------


الطريق من الجمال السايبه

يوم تمشي لا رقيب ولا حسيب

ليه عنه أهل الرقابة غايبه

قبل ما نفقد عزيزن مع قريب


عبدالله بن ساير العضياني
------------------------------------


يالمجاهيم ممنوع التجاوز

احذروا جاتكم طلعة كبيره

القيادة محد فيها يراوز

والتهور عواقيبة خطيره

علي بن معطش البيشي

الصوره للمصور / عبدالله النصار ( من اصدقاء الضوء )

[ابو شامي]

يالمجاهيم ممنوع التجاوز

الوضح بايسر الخط وانتن في يمينه

صوره وماحلى منها الى الابيات التي اعدت فيها شاكر لك يابعيد المدى

[أبوفهد]

يالمجاهيم ممنوع التجاوز

احذروا جاتكم طلعة كبيره


مااقول الا حسبي الله ونعم الوكيل فيهم

وجزيت خيراً يابعيد المدى

[راجح المشعان]

لا تعكس السير يالحاشي
خلك على أيمن السكه
واذا صدمتك وأنا ما شي
منك الخطا ما بها شكه

كم ازهقت ارواح هذه الجمال السائبه
حسبي الله ونعم الوكيـــــــــــل
جزاك الله خير بعيد المدى الغالي على المشاركه والابداع

[بعيدالمدى]

انا سعيد بردودكم وشكرا لكم واهدى لكم تحياتي
وكل عام وانتم بخير

[اخو سعدى]

بعيد المدى

دائما مشاركاتك مميزه

بانتضار جديدك .

[بعيدالمدى]

اشكرك ياخو ســــــــــــــعدى
على المرور والكلام الطيب

[ضويحي الجنيدي]

احذرو البعير
الصورة لها وجهان متناقضان
*جَمال طبيعة ومنظر خلاب وجو ولا احلى منه
* موت محقق إلا أن يشاء الله منه

بارك الله فيك ياخوي بعيد المدى
على الصورة والابيات الموزونه

[الوســـام]

مشكووور بعيد المدى على هذه الصوره الرائعه

[جنيـدي ذهبـي]

راااااائع بعيد المدى

كعادتك مبدع بمواضيع السهله والسلسه والهادفه


تحيتي لك

[فهيد سعيد]

صوره معبره
وابيات تطرح قضااااااااااااااااااايا