سنافي لينة
11-02-2010, 11:08 AM
عشقي انا شوف الخزامى نواوير=في صحصحٍ فيه القطا والحباري
والشيح واوراق النفل به مزاهير=مابين روضٍ والقفر والخباري
والجو صافي مايجي فيه تغيير=اسج به وانسى الغثا والطواري
وشوف البدو وبيوتهم والمغاتير=وذيك الطيور مغرده بالبراري
وصوت النجر نادى وصوته تباشير=للضيف رمز وللكرم به شعاري
والنار ودلالٍ بجنبه مباهير=وجموعهم للخير منبع وقاري
وذيك السوالف للوجيه المناعير=سوالف الماضي وعشق الصحاري
سوالفٍ تبقى على العز للغير=قصة وفا قصة كرم بإفتخاري
وللجار قدر وللموالين تقدير=شي على الفزعات مابه مواري
وصوت الربابه في صداها تعابير=باقي لها بالعشق مجدٍ وطاري
والطير حرٍ ماحلا فزة الطير=فرخ على المقناص عارف وداري
منظر يشد العين وبحسن تصوير=حسنٍ يفوق الوصف بكل المحاري
يالله ترزقهم بفضلك من الخير=ياخالقٍ جنات عدنٍ وناري
ترسل لهم ذيك المزون المزابير=ويعم خيرك ارضهم والصحاري
منقول
والشيح واوراق النفل به مزاهير=مابين روضٍ والقفر والخباري
والجو صافي مايجي فيه تغيير=اسج به وانسى الغثا والطواري
وشوف البدو وبيوتهم والمغاتير=وذيك الطيور مغرده بالبراري
وصوت النجر نادى وصوته تباشير=للضيف رمز وللكرم به شعاري
والنار ودلالٍ بجنبه مباهير=وجموعهم للخير منبع وقاري
وذيك السوالف للوجيه المناعير=سوالف الماضي وعشق الصحاري
سوالفٍ تبقى على العز للغير=قصة وفا قصة كرم بإفتخاري
وللجار قدر وللموالين تقدير=شي على الفزعات مابه مواري
وصوت الربابه في صداها تعابير=باقي لها بالعشق مجدٍ وطاري
والطير حرٍ ماحلا فزة الطير=فرخ على المقناص عارف وداري
منظر يشد العين وبحسن تصوير=حسنٍ يفوق الوصف بكل المحاري
يالله ترزقهم بفضلك من الخير=ياخالقٍ جنات عدنٍ وناري
ترسل لهم ذيك المزون المزابير=ويعم خيرك ارضهم والصحاري
منقول